Allah (c.c) Qurani-Kərimin "Zariyat” surəsinin (51-ci surə) 56-cı ayəsində isə buyurur: "Mən cinləri və insanları yalnız Mənə ibadət etmək üçün yaratdım!".
Əziz İslam Peyğəmbəri Həzrət Muhəmməd(ə) buyurub: "İnsan namaz qılaraq təmizlənə bilər və kamala çata bilər”.
O ki qaldı bəzi yaxşı işlər görüb, özlərini haqq yolda güman edib ürəylərini təmiz bilənlərə, praktikada da müşahidə etmək olar ki, çoxları olmazın günahlar edir, xalqın haqqını pozub, gördükləri bir-iki yaxşı işlə öyünürlər. Zavallı çoxluq da bunlara baxaraq, müəyyən zamanlarda 1-2 yaxşı əmələ arxayın olurb, şeytana aldanırlar. Özlərini islah etmir, durumlarını düzəltmirlər. Misal üçün, biri başqasının namusuna baxır, yalan danışır, zina edir və sair və tutalım yaxşı işlərdən də kiməsə sədəqə verib və yaxud qonşusuna yaxşılıq edir. Nəticədə bu yaxşı işlərilə öyünür və etdiyi böyük günahları yaddan çıxarır və özünü ürəyi təmiz hesab edərək, deyir "əşşi, mənim heç kimlə işim yoxdur, məndən heç kəsə ziyan dəymir, mənim nə günahım var ki?!”. Halbuki, hər addımında kiminəs kiçik və böyük haqqını basır, qəlbini puç işlərlə bulandırır və s.
İnsan ibadət etmirsə, Allaha tapınmırsa, amma bəzi yaxşı işləri görürsə - etdiyi yaxşı işlərin əvəzini Allah onu, əlbəttə ki, mükafatlandıracaq. Bəzilərinə görə bu dünyada, bəzilərinə görə axirətdə. Misal üçün, etdiyi yaxşı iş müqabilində onu uzunömürlü edər, sağlam edər və yaxud ruzisini bol edər, amma o kəsin axirətdən əbədi həyatdan heç bir payı olmaz. Bəzi mənbələrdə gəlib ki, bəşərə xidmət etmiş insanların cəhənnəmdə bəzi güzəştləri olacaq. Amma mütləq nicatdan uzaq olarlar onlar.
Demək, hər bir insan öz yaxşı əməllərini ibadətin, Əbədi və Əzəliyə tapınmağın bönövrəsində etsə, hədəfə yetişər. Bütün başqa bəhanələr isə, insanın nicatını istəməyən İblisin qəlblərə etdiyi vəsvəsələrdəndir.
Bəllidir ki, insan Allaha ibadət etməklə həqiqi təmizlənə və kamala çata bilər.
Allah millətimizə həqiqi təmizlənməyi və şeytana aldanmamağı nəsib etsin. Amin.
Azər Cabbarlı,
"Dəyərlər”in oxucusu
|
