İztirabın azalması üçün müxtəlif yollar vardır. Onlardan biri də müalicə musiqisi adlanır. Ən gözəl və cazibəli musiqi Quranın ürfani səsidir. İlahi kəlamlar öz qüdrətli nüfuzu ilə insan cisminə və ruhuna elə təsir qoyur ki, sanki insan yenidən doğulur. Qəlbdən nigarançılığı və qorxunu silir və dinləyicidə rahatlıq hissi yaradır. İnsanın psixologi sağlamlığı haqda da Qurani-Kərimdə bəhs edilmişdir. Quranda insan tərbiyəsi və psixoloji sağlamlığın hifz edilməsinə aid 6236 ayə vardır.
Quran psixoloji sağlamlığa çatmaq yolunu aramlıqda və rahatlıqda görür. Quran avazı sahəsində aparılan tədqiqatlar göstərir ki, cərrahi əməliyyatda olan və psixoloji xəstəlikləri olan şəxslərə belə Quran avazı müsbət təsir göstərir. Çünki, Quranın mənəvi təsirindən bəhrələnmək və bu İlahi kəlamlara qulaq asmaq sakitləşdirici vasitə kimidir. Bu sakitləşdirici faydalı və hər zaman əldə oluna biləndir. Çünki, İlahi kəlamların nizamlı avazı ürək açan və gözəl nəğmədir. O nəğmə ki, insan hisslərini cuşa gətirir və ürəkləri özünə məftun edir. Quranın gözəl avazı hər dinləyici üçün çox cazibəlidir.
İnsana maddi və İlahi dünyagörüşünə görə qiymət verilir. İlahi dünyagörüşünə malik olan insan İlahi fitrətə malikdir, başqa sözlə desək yarım mələk xüsusiyyətinə malikdir. Müstəqil bir mövcud, Allahın əmanətdarı, dünyaya və özünə qarşı məsuliyyətlidir. Təbiətə, torpaq və səmaya hakimdir.
Maddi dünyagörüşündə isə insan biokimyəvi amillərə məruz qalan, irsi genlərə malik bir varlıq kimi təfsir edilir. İndi belə bir sual yarana bilər ki, insanın etiqad və inancları onun ruhi və psixoloji sağlamlığına təsir edirmi?
Tədqiqatlar göstərir ki, bir çox psixoloji xəstəliklər ruhi narahatlıqları olan və inancı olmayan insanlar arasında daha çox rast gəlinir. Başqa tərəfdən də, qadınlar arasında nigarançılıq hissləri kişilərdən daha çox olur
İztirab elə bir xoşagəlməz haldır ki, bəzən baş ağrısı, ürək döyüntüsü, sinədə ağrılarla və mədə narahatçılığı ilə müşayiət olunur. Bundan başqa iztirab insanın təfəkkürünə, idrak və yaddaşına təsir qoyur.
Məşhur həkimlərdən biri deyir: "Uzun illər boyu təcrübəmdən belə nəticəyə gəlmişəm ki, yuxunun rahat olmasına təsir edən ən mühüm amil - namazdır”.
Həmçinin bir çox psixoloqlar və psixoterapevtlər başa düşüblər ki, dua və bir dinə qarşı möhkəm imana malik olmaq - bir çox xəstəliklərin yaranmasına səbəb olan nigarançılığı, təşvişi və qorxunu aradan qaldırır. Bütün üzvlər və hisslərlə Allaha diqqət etmək - həyat çətinliklərinin həllinə və fikri təmərküzə gətirib çıxarır ki, bu hallar namaz vaxtı və namazdan sonra da insana təsir edən hisslərdir. Bütün bu hisslər də insanda psixoloji rahatlığa gətirib çıxarar.
Biz Quran ayələrində də namazın insanda ruhi rahatlıq yaratdığını bir daha müşahidə edə bilərik: "Allahı yada salmaqla, ürəklər rahat olur”.
"Namazı Məni yada salmaq üçün qılın”.
Hazırladı: Məşhədi Xanım,
"Dəyərlər”
|
