Ustad
Qiraəti "Quranda gözəllik” haqda danışmışdır. Bu çıxışı zamanı o təkfirçilərin
Məsumların (ə) qəbirlərini ziyarət etməyə aid tutduqları irada cavab olaraq,
buyurmuşdur: "Bunlar fikilrəşirlər ki, onların cavabını verən yoxdur. Ancaq
özləri də başa düşmürlər ki, dəlilləri çox yersizdir. Təkfirçilərdən biri Bəqi
qəbiristanlığında Əhli-Beyt (ə) davamçılarından birinə deyir: "Nə deyirsən,
Həsən, Həsən! Həsən artıq vəfat edib. Ölüyə təvəssül etmək şirkdir”. Sonra
qələmini yerə atıb, deyir: "Ey Həsən, mənim qələmimi ver”. Sonra üzünü
Əhli-Beyt (ə) davamçısına çevirib, deyir ki, bax, Həsən mənim qələmimi vermədi,
çünki ölüb. Əhli-Beyt (ə) davamçısı ona baxıb, deyir: "İndi bu qələmi mənə
ver.” Qələmi təkfirçidən alıb, yerə atır və deyir: "Ya Allah! Qələmi mənə ver.
Gördün ki, sənin məntiqinlə Allahın da qüdrəti yoxdur bu qələmi verməyə”.
Ustad
Qiraəti davam edir: "İnsan fitri olaraq, gözəllik dalıncadır. Bu insan
fitrətinin bir hissəsidir. Şeytan da bu fitrətdən istifadə edir. "Və (xatırla)
o zaman (ı) ki, Şeytan onların gözlərində (batil) əməllərini zinətləndirdi”.
("Ənfal” 48). Gözəllik - insanın ehtiyacıdır. Gözəllik həmişə nicatın amili
olmur. Bu da bir məsələdir. Bəzən elə olur ki, bir nəfər çox gözəldir, ona tez
bir zamanda elçi gəlir. Çirkin qız isə deyir: "Necə olur ki, Allah bizi çirkin
yaradıb? Həmin qız üçün elçi gəlir, ancaq bizə gəlmir.” Bu məsələ onun
əqidəsində ilışıb qalır. Həzrət Əmir deyir: "Qız əgər görsə ki, gözəlliyindən
bir qiymət aşağıdır, baxsın ki, Allah ona hansı kamalı vermişdir? Ola bilsin
ki, gözəl qadın 62 il yaşasın, ancaq sən 95 yaş”.
Mən özüm də
axundluq qəmini çəkmirdim, bəziləri mənim yerimə çəkirdilər və deyirdilər:
"Qiraəti, sənin əxlaqında çatışmamazlıq var və səsin də yoxdur, mərsiyə də
oxuya bilmirsən. Ona görə də axindluq sənin harana yaraşır?” Ona görə də
kəndlərdən birinə gedəndə mənə dedilər ki, sən mərsiyə oxuya bilmirsən.
Ayətullah Yəsribiyə məktub yazdılar ki, biz bu şeyxi istəmirik. Mərsiyə oxuyur
və insanlar gülürlər. Hər nə qədər mərsiyə oxudum, insanlar güldülər. Bəli, mən
Qiraəti mərsiyə oxuya bilmirəm. Sonra yazı lövhəsinə (yəni elmi araşdırmaya,
tədrisə - red) tərəf gəldim, hər şey yaxşı oldu. Əgər kimsə ali məktəb
imtahanında kəsilirsə, deməsin ki, kül başıma, 2 il imtahandan kəsilmişəm. Get
dərzi ol və paltar tik. Kim deyir ki, siz mütləq ali məktəbi qurtarmalısınız?!
Ola bilsin ki, ali məktəbdən kəsiləsən, ancaq hövzəyə qəbul olasan. Belə ki,
bir hədisimiz var ki, əgər bir sənətdə müvəffəqiyyət qazanmırsansa, deməyin ki,
bəxtim qaradır. Sənətini dəyiş, ola bilsin ki, yoluna düşəsən.
Ancaq onlar
ki, gözəldirlər, özlərini qorumalıdırlar. Gözəl qadınlara Quran buyurur:
"Sədəfdə gizlənmiş inci kimi (ki, nə rəngi dəyişib, nə də kiminsə əli toxunub
onlara)!”(Vaqiə” 23).
Yəni gizli
şəkildədir, hərraclıq deyildir. "(Onlar paklıq və parlaqlıqda) sanki yaqut və
mərcandırlar”. ("Rəhman” 58).
"Həmin
cənnətlərdə gözlərini ərlərindən qeyrisindən yığan və ondan başqasını sevməyən,
nə bir insanın, nə də cinin toxunmadığı qadınlar vardır” ("Rəhman” 56).
Bəzi qızlar
belə fikilərşirlər ki, gözəldirlər, ona görə də özlərini hərraca qoyurlar. Bax
gör Quran nə deyir, deyir ki, gərək özünü gizlədəsən. Səni görmək istəyənlər
gərək ailə qursunlar. Ancaq sən özünü mənasız yerə insanlara göstərirsən.
Heyfdir. Dünyadakı gözəlliklər uçub gedəcəkdir. Belə bir hədisimiz vardır ki,
əgər kimsə qadınla gözəlliyinə və ya puluna
görə evlənərsə, Allah hər ikisini ondan alar. Pul da, gözəllik də uçar.
Behişt gözəlliyi qalıcıdır. Dünyadakı gözəllik isə əlin qaşınması kimidir. Bir
haldır ki, gəlib, gedir. Bir dəqiqədən sonra nə burada bir şey qalır, nə də
orada. Mənə deyirdilər ki, gəl filan yerdə çıxış et. Dedim ki, gəlmirəm.
Dedilər ki, niyə? Dedim qaşınmaq kimidir. Soruşdu ki, nə deməkdir? Dedim ki,
qaşınan çıxış odur ki, bir anlıq onu edirsən, sonrası heçdir. Gözəllik də bir
anlıq olan bir şeydir.
Şah Abbasın
gözəlliyi
Şah Abbasın
iki gözəlliyi vardı. Biri tacı, xalçası, xanımları, qızılları ki, hamısı uçub
getdi. O biri gözəlliyi isə qalıcı oldu, bu da Şah Abbasın karvansarayı idi.
Kərbəla yolundadır. Karvansara qaldı və özü getdi. Gərək ehtiyatlı olaq ki, bu
gözəlliklər mənəvi gözəlliklərə mane olmasın.
Gözəlliyi nümayiş etdirmək təhlükəlidir Gözəllik də
yolunu azmağın bir vasitəsidir. "(Bir gün Qarun) şəxsi zinət və ehtişamı içində
öz qövmünün qarşısına çıxdı. Dünya həyatını istəyənlər dedilər: "Kaş Qaruna
verilən qazanc bizə də veriləydi! Həqiqətən, o (dünyada) böyük bir qazanc
sahibidir”. ("Qəsəs” 79). Bəli, Qarunun bu gözəlliyi nəticəsində insanların
ağlı başlarından uçdu. Dedilər ki, kaş biz də Qarun kimi ola biləydik. Ona görə
də gözəllik yolunu azmağa da gətirib çıxara bilər. Bizim gözəl oğlanlarımız
insanları yollarından azdıra da bilərlər. Ancaq bu gözəllik tövhid amili də ola
bilər. Quran buyurur ki, gözəllik açar kimidir. Bu açar qapını bağlaya da
bilər, aça da”. Hazırladı:
Məşhədi Xanım,
/Deyerler.org/
|