(Həvzəh saytına istinadən) Ayətullah Safi Gülpayiqani müraciət qəbul etmişdir. Müraciətin mətni belədir: "Bismilləhir Rahmənir Rahim! Böyük İlahi və dünya bayramı münasibətilə ədalət istəyən bütün insanları və o Həzrətin (ə.f.) zühur əsrinin intizarında olanları, xüsusilə də Əhli-Beyt (ə) davamçılarını təbrik edirik. Bu elə zühurdur ki, illər, əsrlər keçsə də, həyata keçməsi mütləq və qətidir. Bütün müsəlmanlar: Əhli-Beyt (ə) davamçıları və əhli-təsənnün ardıcılları Həzrət Peyğəmbərdən (s) gələn bu hədisi qəbul edirlər. Belə ki, Peyğəmbər (s) buyurur: "Əgər dünyanın axırına bir gün qalarsa belə, Allah Təala o günü o qədər uzun edər ki, ali-Muhəmmədin (s) Məhdisi (ə.f.) zühur edər və dünyada ədaləti bərqərar edər. Çünki zülmlə əhatə olunmuş olar”. Bəli! Şəkk yoxdur ki, dünyada bu cür əsr və dövr olacaqdır. Gecə və gündüzün, Ay ilə Günəşin seyri və hərəkəti o günə tərəf yönəlmişdir. Əgər Qiyamət kimi uzaq olarsa, İlahi hesablarda yaxın olar. Əgər hər şey təxirə düşərsə və qeyb uzun olarsa, ancaq o kəslər ki, güclü əqidəyə və sabit imana malikdirlər - onlardan başqa, heç kim bu zühurun gələcəyinə inanmazlar. Əgər qeyb əsrində problem yaranarsa, Allahın haramı halal və halalı haram cilvə edilərsə də, həyatın həqiqi seyri həmin günə tərəf yönələr. Bu dövrdə hamı imtahana çəkiləcəkdir. Dövlətlər və dövlət başçıları bir-birinin ardınca imtahan olunacaqlar. Əksəriyyət naümid olacaq. İlahi bir səslə səmadan fəryad ucalacaqdır. Bu zühur keçmiş peyğəmbərlərin və Qurani-Məcidin müjdəsidir. Yaxşı olar ki, bu miladın qəhrəmanını və İslamın yeni dünyasının qurucusunun təvəllüdünü hamı bayram etsin. Bir-birimizə təbrik deyək və Allahdan zühurun tezləşməsini istəyək. Bu zühur - saleh hökumətlərin günüdür. Bu dövlətin müjdəsini Əmirəl-möminin (ə) vermişdi. Bu bayramda yaxşı olar ki, bu mövzulara toxunulsun: 1. Məşhur hədislərə əsasən İmamı (ə.f.) tanımağın əhəmiyyəti mühümdür. Əgər kimsə onu tanımamış ölərsə, hansı zaman və əsrdə olursa-olsun, cahil ölmüş olar. Ona görə də hövzələrdə zühura aid mövzulara çox yer verilməli və onun haqqında məruzələr edilməlidir. Zühur mövzusu şəxsi məqsədlərə çatmaq üçün bir vasitə olmamalıdır. 2. Bu mübarək əyyamı xüsusilə cavanlar qənimət bilməlidirlər. Bunu Həzrət (ə.f.) ilə beyəti təzələmək və özümüzün, arvad və uşaqlarımızın vəziyyətini tədqiq etmək üçün fürsət bilməliyik. 3. Şəban ayının on beşi - Qədr gecəsi kimi müqəddəs gündür. Bu gecə ehsan, tövbə və istiğfar gecəsidir. Qəlbi kin və kidurətdən təmizləmək günüdür. Bu gecədə hamı pak niyyətlə dua əllərini açmalı və Allahdan Vəliyyi-Əsrin (ə.f) zühurunun tezləşməsini istəməlidir. Məbada bu bayram günündə savab yerinə günaha batasınız. Bütün əziz bacı və qardaşlara Vəliyyi-Əsrin (ə.f.) inayət və tofiqini arzu edirik”. Hazırladı: Məşhədi Xanım, deyerler.org
|